maría roja

"Neorretranca e posmorriña" en xira

Datas da última montaxe do CDG

martes, 16 de abril de 2019
"Neorretranca e posmorriña" en xira

MAIO 2019

Tui, no Teatro Municipal
Venres 10. Función.

Pontevedra, Sede AFundación Pontevedra
Venres 17. Función.

A Coruña, Teatro Rosalía Castro
Venres 24. Función.
Sábado 25. Función.

O Barco de Valdeorras, Teatro Municipal Lauro Olmo
Venres 31. Función.

XUÑO 2019

Rianxo, Auditorio Municipal
Venres 14. Función.

XULLO 2019

Vigo, Teatro Afundación Vigo
Venres 5. Función.

+info:
http://centrodramatico.xunta.gal/cdg/centro/obra.php?id=cdg_obra9056&lg=gal

"Neorretranca e Posmorriña"

Datas de funcións no Salón Teatro

martes, 16 de abril de 2019
"Neorretranca e Posmorriña"

SALÓN TEATRO, Rúa Nova, 34. 15705, Santiago de Compostela.
Teléfono: 881 867 229 (oficina) | 881 867 223 (despacho de billetes).
Prezo: Tarifa xeral: 10 euros. 40% de desconto a estudantes, xubilados, maiores de 65 anos, usuarios do carné xove, desempregados, familias numerosas, grupos a partir de 10 persoas, xornalistas, profesionais das artes escénicas e membros da Asociación de Antigos Alumnos e Amigos da USC (Alumni USC). 3x2: se traes dúas persoas, invitámoste ao teatro. (Só no despacho de billetes do Salón Teatro).
Encontro co público: o xoves 18 ao finalizar a función.
Venda anticipada de entradas en Abanca e na billeteira do Salón Teatro dúas horas antes do comezo da función.

xoves 18 de abril I 20:30 h.
venres 19 de abril I 20:30 h.
sábado 20 de abril I 20:30 h.
domingo 21 de abril I 18:00 h.
martes 23 de abril I 10:30 h. (escolar)
mércores 24 de abril I 10:30 h. (escolar)
xoves 25 de abril I 20:30 h.
venres 26 de abril I 20:30 h.
sábado 27 de abril I 20:30 h.
domingo 28 de abril I 18:00 h.
martes 30 de abril I 10:30h. (escolar)
xoves 2 de maio I 20:30 h.
venres 3 de maio I 20:30 h.
sábado 4 de maio I 20:30 h.
domingo 5 de maio I 18:00 h.

+info:
http://centrodramatico.xunta.gal/cdg/axenda/axendad.php?id_e=2714&lg=gal

"25 anos de Tolemaxias" en xira

Terra Máxica, Festival de Maxia de Ourense

xoves, 21 de marzo de 2019
"25 anos de Tolemaxias" en xira

Despois de máis de cinco anos xogando con outras artes escénicas nos seus espectáculos, como a música en directo, o teatro, a danza… en “A Maxia da Santa Compaña” , “O Afiador”, “Íntimo” ou “Alquimia”, o Mago Teto retorna á esencia do ilusionismo en estado puro. "25 anos de Tolemaxias" é un espectáculo cheo de efectos novidosos tocando todas as disciplinas da maxia (dende efectos de maxia de cerca ata grandes ilusións, pasando polo mentalismo, a manipulación…) sempre acompañados de situacións absurdas e surrealistas cun toque canalla. Esta menestra ten como obxectivo final a realización dun espectáculo entretido, divertido, estético, emotivo e, sobretodo, cheo de ilusión e de ilusións.
Nesta ocasión, o Mago Teto estará acompañado por María Roja, na primeira función xuntos do ano no que cumpren 10 anos de colaboración profesional.

+info:
http://terramaxica.gal/

"Neorretranca e posmorriña"

Entrevista a Gena Baamonde na revista Pincha

mércores, 13 de marzo de 2019
"Neorretranca e posmorriña"

Foto: Iván Barreiro

Atopo a Gena Baamonde metida de cheo nos ensaios de ‘Neorretranca e posmorriña’, a nova produción propia do Centro Dramático Galego (CDG), dependente da Consellería de Cultura e Turismo a través da Axencia Galega das Industrias Culturais (Agadic), que se estreará o próximo 11 de abril no Salón Teatro. Un espectáculo no que, baixo a súa dirección, analízase a identidade galega desde dúas olladas diferentes: a de Esther F. Carrodeguas, autora de ‘Fantasía nº 5 en sol ou non’; e a de Roi Vidal Ponte, autor de ‘Boisaca ou a divina desgraza’.

Falamos de ‘Neorretranca’ e de ‘posmorriña’… e iso que vén sendo?

Eu creo que son os puntos en común que teñen os dous textos. Os dous teñen un sentido do humor que por veces vólvese moi negro, con moita ironía e, sobre todo, teñen moitísima moitísima retranca. O feito de elexir o concepto ‘neorretranca’ é tamén para usar a retranca ao poñer eses nomes. Como pseudointelectuais e burlarnos un pouquiño (Sorrí). Nun tema de tanto peso como é a identidade a min gústame restarlle un pouco de peso.

Por outra banda, o concepto de ‘posmorriña’ vén tamén como de ter unha morriña quizais de algo que nunca existiu, como de algo que nunca chegaches a coñecer; unha Galiza que nunca chegamos a coñecer.

Eu creo que nós sabemos mellor que ninguén o que significa a retranca. Non é á lixeira. Estoume rindo e… ollo do que me estou rindo! (Risos) É un proxecto moi irreverente. Os dous textos o que propoñen é como unha revisión de todos os tópicos que hai de Galicia. Cun humor moi serio que reparte por todas partes, asegúrocho! (Risos) E con bastante mala baba.

Como está sendo o traballo cos autores, Esther F. Carrodeguas e Roi Vidal?

Moi ben porque dá a casualidade que eu xa coñecía de antes tanto a Esther como a Roi. Entón eles xa me din: “Esperamos calquera cousa” (Gargalladas). E iso é moi bo para min. Porque son xente de teatro e sabemos do que falamos no sentido de que respectar un texto é facelo en escena co traballo do equipo. É dar a nosa versión. É facer o noso traballo. É ensaiar. Non é respectar ata a última palabra. Quen o queira ler, poderá facelo que sairá íntegro, pero a escenificación é outra cousa. E nesta visión están completamente de acordo comigo tanto Esther como Roi.

Neste espectáculo é destacable o feito de que o elenco é íntegramente feminino. Ademais de que o equipo está tamén maioritariamente formado por mulleres…

Creo que é a primeira vez que pasa no CDG. Nas miñas concepcións sobre o teatro e os personaxes sempre me baseo en que se o público acepta que unha persoa porque saia aí vestida doutra maneira é unha raíña, por que non imos aceptar que sexa un home ou unha muller? A ficción é a ficción. Eu quería seis personaxes que foran mulleres e despois os outros catro dábame igual que foran homes ou mulleres. Pero o certo é que o casting fixéronno mellor catro mulleres.

É un xeito tamén de reivindicar á muller no teatro?

Si, hai moita xente que di que son modas. Pero se eu teño a fama – e que o son – de feminista, se non o fago eu, quen o vai facer! (Risos) Fágoo eu, claro que si! Ademais, fíxate que ninguén fai fincapé cando resulta que na maioría dos espectáculos son todo homes.

Levades xa uns días de ensaios. Que tal vai todo?

A verdade é que moi ben. Son todas moi fieras. Viñeron cunhas ganas total. Están a por todas. Entón está sendo moi bo traballo. E están conectando moi ben. Nos primeiros ensaios ás veces tardas en conectar, pero neste caso teñen todas moita sintonía.

Que é o que esperas deste espectáculo?

Eu son bastante tranquila coas expectativas. Nunca teño demasiadas. Construínme como ser do aquí e do agora. Se penso no futuro, cáeme unha lousa enriba e non podo. Agora no que penso é en que traballemos ben, contentas, en que saquemos o máximo rendimento.

Sempre me propoño que quen nos ve non saiba que actriz escoller, do ben que lles van parecer que están todas. Ese sempre é o meu reto.

E en canto á temática, creo que é un espectáculo máis incisivo do que a xente cría. Vai sorprender bastante.

ENTREVISTA ORIXINAL:
http://revistapincha.gal/gena-baamonde-en-neorretranca-e-posmorrina-hai-un-humor-moi-serio-que-reparte-por-todas-partes/

"Nómades" en xira

Teatro familiar a cargo da compañía Xarope Tulú

sábado, 23 de febreiro de 2019
"Nómades" en xira

24 febreiro I Cambados, Auditorio Municipal I 18h.
29 marzo I Sada I 12h.
29 marzo I Sada I 18:30h.

NÓMADES é un espectáculo de carácter visual dirixido a tódolos públicos: onde o movemento, a escenografía e a luz se relacionan entre si constantemente , sendo en ocasións difícil de definir onde comeza e remata cada un dos elementos que conforman a proposta. As intérpretes transitan entre as porosidades dunha escenografía en constante movemento, abren espazos de conversa sobre o tránsito entre xéneros e habitan o nomadismo como ruptura posible dos moldes impostos.

+info:
www.xaropetulu.com
www.facebook.com/xaropetulu

1 | 2 | 3 | 4 | 5 | 6 | 7 | 8 | 9 | ... | 61