Sofía e as postsocráticas

Estrea da nova montaxe da compañía Inversa Teatro

sábado, 24 de novembro de 2018
Sofía e as postsocráticas

A estrea de Sofía e as Postsocráticas, a nova montaxe da compañía Inversa Teatro, terá lugar o día 5 de decembro no Auditorio Municipal de Vigo ás 20h.
Asimesmo, uns días antes, o 30 de novembro, realizarase unha preestrea da peza. Será no marco do Culturgal, no Pazo da Cultura de Pontevedra, ás 21:30h.

Sofía e as Postsocráticas é unha obra que versa sobre a violencia machista, afondando nas causas da estrutura do maltrato. Sócrates, Platón e Aristóteles, as tres personaxes en escena, tratarán de buscar un novo logos, é dicir, un novo patrón interpretativo da realidade no que se poida facer o cálculo do que é ou o que non é violencia machista. Xunto coa interpretación de personaxes e o emprego de máscaras, a dramaturxia conta tamén con elementos visuais e sonoros que axudarán na reflexión de cal é a nosa responsabilidade como sociedade ante este tema. O pacto patriarcal, o silencio como resposta, o valor ontolóxico, o victim blaming, a negación ou o síndrome espectador son os fíos argumentais polos que transita a peza.

SOFÍA E AS POSTSOCRÁTICAS somos:
Dirección: Marta Pérez
Dramaturxia e Interpretación: María Roja, Marta Pérez, Silvia Penas
Texto (a partir de materiais de creación colectiva): Marta Pérez
Poemas: Silvia Penas
Movemento: María Roja
Videocreación: Laura Iturralde
Espazo Sonoro: Jesús Andrés Tejada & Silvia Penas (CintaAdhesiva)
Iluminación: Ángel Sousa
Deseño escenografía: Montse Piñeiro
Construción escenografía: Gonzalo Alonso
Vestiario: Silvia Sánchez (LeChanelas), Josefa Rivas
Produción: Marta Pérez
Axudante de produción: Belén Piñeiro
Imaxe gráfica: María Rodríguez
Campaña de Comunicación e Fotografía: Ángel Sousa - Ampersand Fotografía
Gravación obra: Fon Cortizo
Fábulas Postsocráticas: Marta Pérez, Silvia Penas
Agradecementos: Santi Romay. Miguel Borines. Manuel Outeiriño. Nicolás Zamorano. C.C. San Lourenzo. Auditorio Municipal Illa de Arousa. Talía Teatro. Antonio Durán "Morris". Isabel Risco. Iria Sobrado. María Vázquez. Lucía Regueiro. Federico Pérez. Xosé Barato. Mercedes Castro. Monti Castiñeiras. Cris Iglesias. Sheyla Fariña. Evaristo Calvo. Patricia Vázquez. Sabela Arán. Marcos Pereiro.

+info:
www.inversateatro.com
www.facebook.com/inversateatro

"Té con Kant" en xira

Johanna e Theodora chegan a Ponteareas

venres, 23 de novembro de 2018

2 decembro I Auditorio Reveriano Soutullo I 19:30h.

"Té con Kant" en xira

+info:
www.inversateatro.com
www.facebook.com/inversateatro
www.facebook.com/teconkant.enkonigsberg

Tempo suspenso

Comunicación de María Roja no Congreso de Arte de Acción FI

venres, 16 de novembro de 2018
Tempo suspenso

FUGAS E INTERFERENCIAS. III Performance Art Conference, celebrarase os días 29 e 30 de novembro e 1de decembro de 2018 nas cidades de Pontevedra e Santiago de Compostela. O congreso está organizado pola Universidade de Vigo e conta coa colaboración do Centro Galego de Arte Contemporánea (CGAC). O obxectivo fundamental do congreso centrarase na análise e reflexión sobre os novos comportamentos da arte de acción, tanto desde a práctica como desde a reflexión teórica.
Dentro da programación, María Roja, investigadora da Universidade de Vigo, presentará a súa comunicación Tempo suspenso: a vertente performativa do ritmo nas artes vivas e visuais, dentro da mesa "La acción y sus intersecciones (II)", ás 10:30h. na sala de Patronato do CGAC.

+info:
http://www.fugaseinterferencias.com
https://www.facebook.com/fugaseinterferencias/

A Marabunta

Blanco&Roja na Gala da Cultura contra a Violencia de Xénero

venres, 16 de novembro de 2018
A Marabunta

A peza PASAESCALABRA porá peche á programación da gala "A Marabunta", nunha revisión especial para o evento.
Esta performance de Blanco&Roja (Alba Blanco & María Roja), conta coa colaboración de Iria Azevedo, Anabell Gago, Atenea García, Mai Insua máis Marta Pérez como performers e de Ángel Sousa na asistencia técnica.
PASAESCALABRA é un xogo de palabras creado a partir da xuntanza do nome dun popular programa da televisión española co verbo escalabrar.
PASAESCALABRA é tamén o título dunha peza performativa que se inspira no formato dos concursos de palabras televisivos nos que un grupo de concursantes se enfrontan entre si a través de varias probas coa intención de optar a un premio de certo valor. A través desta estratexia, procúrase dar lugar a unha dinámica de participación colectiva entre o público e as accionistas que funciona a dous niveis: o propio do xogo que vehicula a acción, mediada pola performer presentadora, e as microaccións de carácter plástico-simbólico que desenvolven en paralelo as performers azafatas. A peza sérvese así dun envoltorio formal de aspecto lúdico e espectacular que, porén, agocha unha reflexión arredor do sexismo lingüístico, como escusa coa que deixar á vista algún dos modos nos que opera a violencia machista e o pouso de dor que esta é capaz de deitar nuns corpos á intemperie do azar, acubillados baixo uns teitos institucionais, educativos, laborais, xudiciais, de asistencia e de visibilización insuficientes.
PASAESCALABRA fai así mesmo fincapé no traballo coa comunidade, involucrando no elenco e como parte activa no proceso de creación a creadoras e activistas do ámbito galego máis a voluntarias de diferentes asociacións locais, todas elas vinculadas a través das súas prácticas específicas, coa problemática da violencia de xénero.

+info:
http://mariaroja.com/PASAESCALABRA

Nómades

Novas datas da última montaxe da cía. Xarope Tulú

xoves, 15 de novembro de 2018
Nómades

22 de novembro I Auditorio de Narón I 11h.
2 de decembro I Auditorio de Ourense I 12h.

+info:
www.xaropetulu.com/
www.facebook.com/xaropetulu/

1, 2, 3, 1, 2, 3... e acción!

Laboratorio de actuación facilitado por María Roja no Festival Curtas Armadiña

venres, 09 de novembro de 2018
1, 2, 3, 1, 2, 3... e acción!

Dirixe: María Roja
Público destinatario: público xeral +16 anos
Data: mércores 14 de novembro
Hora: 19:00-21:00 h
Lugar: Centro Cultural Xaime Illa de Raxó
Aforamento: 20 alumnxs

Contido: Este obradoiro propón unha reflexión práctica sobre os procesos de creación no eido da actuación ante e para a pantalla. Tomando como punto de partida os modos de operar da vídeoacción, o vídeo experimental, a videoinstalación, as narrativas sonoras xeolocalizadas e o streaming escénico, entrenaremos ferramentas de creación e interpretación que permitan o diálogo dos nosos corpos con dispositivos de gravación domésticos (teléfonos móbiles, tabletas, ordenadores) a través de aplicacións tecnolóxicas de comunicación e emisión ao noso alcance, para realizar pequenas escenas videográficas.

Necesidades: levar roupa e calzado cómodos e dispositivos propios como teléfonos móbiles e/ou tabletas.

Proceso de inscrición: enviade un corre-e a curtas.armadinha@gmail.com indicando título do obradoiro, nome, apelidos, data de nacemento e teléfono de contacto. As inscricións terán lugar por orde de chegada.

+info:
https://www.facebook.com/events/500028657142191/
http://curtas.armadinha.gal/

1 | 2 | 3 | 4 | 5 | 6 | 7 | 8 | 9 | ... | 60