Chámalle X

IX Xornadas de Arte de Acción da Facultade de Belas Artes da Universidade de Vigo

xoves, 15 de novembro de 2012

Entre os días 17 e 23 de novembro, terá lugar a novena edición das Xornadas de Arte de Acción Chámalle X.
A Sala X da Facultade de Belas Artes de Pontevedra máis o MARCO de Vigo acollerán nesta ocasión unha programación centrada no interese polo son que o corpo humano pode emitir ou fabricar.
Dentro da mesma, o mércores 21 de novembro ás 20 horas, na Sala X, María Roja, en colaboración con Berio Molina, presentará a súa peza Pó é pó é pó.

Chámalle X

Toda a información en:
http://webs.uvigo.es/chamalle/

Curtopía no Alg-a LAB

Presentación da película Dos soños antes do cinematógrafo de Alexandre Cancelo

venres, 26 de outubro de 2012

Festival Curtopía 2012
Mostras culturais, música e moita festa!
27 e 28 de outubro no Alg-a LAB (Valadares, Vigo)

Curtopía no Alg-a LAB

Toda a info en:
http://curtopia.es/

EDISON, ou... no FITO

5ª edición do Festival Internacional de Teatro de Ourense

domingo, 07 de outubro de 2012

O luns 15 de Outubro, Demolicións Ferreira & Cía., presentará EDISON, ou dúas mil demostracións de como non facer unha lámpada eléctrica no Campus de Ourense (Sala Multiusos, Edificio de Ferro), ás 20:30 horas. A peza, dirixida por Eva F. Ferreira e interpretada por Areta Bolado, Gena Baamonde e María Roja, está incluída dentro da programación da 5ª edición do FITO.

<i>EDISON, ou...</i> no FITO


http://www.fitoourense.com/

Presentación de Dramatículas

Actividades da 29 Edición da Mostra Internacional de Teatro Cómico e Festivo de Cangas

martes, 03 de xullo de 2012

O xoves 5 de xullo ás 20,00 h. na Capela do Hospital de Cangas, dentro da 29 Mostra Internacional de Teatro Cómico e Festivo de Cangas, Afonso Becerra de Becerreá presenta as súas Dramatículas.
Poderanse ver tamén dous microespectáculos creados a partir delas: un da actriz e performer María Roja coa colaboración de Berio Molina no espazo sonoro, e outro da actriz Paula Pier, con dirección e dramaturxia de Diana Mera.

Presentación de <i>Dramatículas</i>

http://www.mostrateatrocangas.org/

II Vigo en Bruto

Demolicións Ferreira & Cía. clausura o ciclo no Teatro Ensalle

xoves, 28 de xuño de 2012

A derradeira fin de semana de xuño, a recén formada compañía Demolicións Ferreira & Cía., estrea a peza EDISON, ou dúas mil demostracións que como non facer unha lámpada eléctrica. A peza, dirixida por Eva F. Ferreira e interpretada por Areta Bolado, Gena Baamonde e María Roja, dará peche á segunda edición do ciclo Vigo en Bruto organizado polo Teatro Ensalle de Vigo.

Quen quere fracasar? Acordar unha mañá e que a boca che saiba a fracaso. Arder por dentro. Escoller.
Fracasos que importan e fracasos importantes. Obxectos creados para non durar. Patacas rexeitadas, con forma de corazón. É difícil camiñar entre tanto fracaso.
Encher o baleiro. Cancións de sufrir. Arrincar os ollos das bonecas para ver que hai detrás. O futuro negado.
Podes situar Uzbekistán nun mapa sen axuda de Google? A canta xente condenaches ao fracaso?
Que fas para non ouvir o vento? Recoñecer fracasos polo seu tacto. Atravesar o río cunha candea prendida. Atravesar paredes. Aprender a ladrar.
Non abonda con querer.

II Vigo en Bruto


http://www.teatroensalle.com/

ZigZag Diario visita a rodaxe de Maratón

domingo, 10 de xuño de 2012

O programa ZigZag Diario visita a rodaxe da tv-movie Maratón, unha historia de amor e superación baseada en feitos reais. Na última película de Breogán Riveiro, María Roja métese na pel dunha atleta.

1 | ... | 53 | 54 | 55 | 56 | 57 | 58 | 59 | 60 | 61 | 62