Golulá en Compostela

Festival Internacional Galicreques 2013

mércores, 25 de setembro de 2013

O luns 30 de setembro ás 11:00 horas, a compañía Galitoon presentará a súa obra Golulá no Teatro Principal de Santiago de Compostela, dentro da programación da XVIII edición do Festival Internacional de Títeres Galicreques, que se celebra do 28 de setembro ao 6 de outubro.

<i>Golulá</i> en Compostela

Foto: Ovidio Aldegunde

Golulá conta a historia de Lara, unha nena vaidosa e hiperactiva, e do seu amigo Bunka, un gorila inxenuo e bonachón, encargado de coidar a única nube que hai no país de Golulá. Un día, o malvado Dr. Terrier decide roubar a Nube, obrigando así a Lara e a Bunka a facer unha viaxe chea de perigos, na que irán tropezando con seres fantásticos e entrañables, para recuperala.
Golulá é unha obra da compañía Galitoon caracterizada por unha plasticidade televisiva e cinematográfica propia da escola norteamericana de Jim Henson.
Foi merecedora dos seguintes recoñecementos:
Premio ao Mellor Espectáculo Infantil na X Feria de Teatro de Castilla y León, España
Espectáculo Mellor Valorado na IX Edición de Domingos do Principal de Pontevedra, Galicia, España
Premio ao Espectáculo Innovador na XXIV Mostra Internacional de Teatro (MIT) de Ribadavia, Ourense, Galicia, España.

http://www.titerescachirulo.com/galicreques/
http://galitoon.com/

Té con Kant

O novo espectáculo de Inversa Teatro no XVIII Festival Internacional de Teatro Cómico da Maia

sábado, 14 de setembro de 2013

A decimoitava edición do Festival Internacional de Teatro Cómico da Maia (Portugal) acolle dentro da súa programación Té con Kant, a última creación da compañía galega Inversa Teatro. Theodora Kraus e Johanna Gottfried, amigas íntimas do afamado filósofo, recibirán ao público no Centr’arte Café-Concerto o día 23 de setembro ás 23:30 horas.

Té con Kant

Cartaz: María Roja

"Té con Kant" é un proxecto experimental que conxuga o ensaio filosófico e a creación escénica xogando co humor e a ironía para obter unha peza de teatro íntimo próxima ao formato de teatro-didáctico-conferencia, onde as actrices Marta Pérez e María Roja, levando a escena unha creación de María Caparrini e a propia Marta Pérez, tentan exercer de axitadoras filosóficas coa pretensión de remover e promover a reflexión (e acción) do público asistente ao redor da problemática moral nos nosos días, así como examinar as vantaxes e inconvenientes morais da época ilustrada. Baixo o espectro do seu amigo Inmanuel Kant, exploran o porqué do fracaso da ilustración e a súa absoluta confianza na razón humana para dar paso á nosa época postmoderna na que predomina o fragmento e a decepción. É posible aínda un mundo e sociedade mellores baixo os ditames da razón ilustrada ou esta é ad infinitum unha condena ao fracaso? Todo iso, será razoado entre as creadoras e o público baixo a invitación dun exquisito té.

www.teatroartimagem.org
http://www.inversateatro.com/

Artropocode

Summer of Labs 2013

martes, 27 de agosto de 2013

Este xoves 29 de agosto, a partir das 17.00 horas, terá lugar en Santiago de Compostela a presentación dos proxectos desenvolvidos durante a residencia transdisciplinar de portas abertas Artropocode 2013.

Artropocode

Máis info:
http://www.baleiro.org
https://n-1.cc/g/aRtropocode

Corpo (a) terra

Presentación de Minuison no III Festival de danza e artes do corpo de Ourense

luns, 01 de xullo de 2013


A terceira edición do Festival de danza e artes do corpo bota a andar durante tres días coa intención de encher os distintos espazos da cidade de Ourense dunha mestura de movementos, sons e imaxes que dan forma aos distintos espectáculos da súa programación: http://corpoaterra.blogspot.com.es/p/programacion.html

Corpo (a) terra

Entre as actividades paralelas que completan o festival, compre destacar o Ciclo de Videodanza, no que se proxectarán as seguintes pezas:

Diego Vites: Homage to Gutai / 1’36’’
Exercicio de alterne / 1’45’’
Génesis / 24’’
Homage to Martin Creed / 1’09’’
Nuria Onetti: Silent dance / 8’
Jesús Rubio: Piedra, papel, tijera / 5’
Alejandra Pombo: Stage / 8’14’’
Begoña Cuquejo: Planificar a caída / 3’
Cristina Balboa: mp3c3po / 1’25’’
Certamen Sólodos en danza: Costa Rica (vídeo promo) / 11’
Berio Molina + María Roja: Minuison / 4’ 34’’

Corpo (a) terra

http://corpoaterra.blogspot.com.es/

FAC Express PROXECCIÓNS INSOLUBLES

Inauguración no FAC Peregrina

xoves, 30 de maio de 2013

FAC Express PROXECCIÓNS INSOLUBLES:
MAQUILLAXE AUMENTADA + CINESCAPISMO
venres 31 de maio a partir das 19:30h.

Presentación dos traballos Devuison (Maquillaxe Aumentada) a cargo de María Roja e Berio Molina, unha aproximacion mediante o fenómeno sonoro e unha interface de interacción e relación co corpo á maquillaxe e ao debuxo sonoro dende a idea do minúsculo e Cinescapismo a cargo de Laura Villaverde e Roi Fernández (Artesacía e Sr Pause Cinescapismo) no que dende o presuposto de que as formas de creación do cine a tempo real beben das mesmas fontes da poesía, trátase de abrir fechaduras durante un intre, coa cualidade de que ese intre perdure no imaxinario.

PROGRAMA

20:00h. // DEVUISON (20′)
21:00h. // CINESCAPISMO (30′)

FAC Express PROXECCIÓNS INSOLUBLES

Info: http://facperegrina.wordpress.com/

ZigZag Diario visita EXTRAMUROS

mércores, 22 de maio de 2013
ZigZag Diario visita EXTRAMUROS

Para ver a reportaxe (min 9:29) premer na ligazón:
http://www.crtvg.es/tvg/a-carta/lito-portela-espinas-coroadas-extramuros-o-escultor-e-ceramista-daniel-caxigueiro

1 | ... | 56 | 57 | 58 | 59 | 60 | 61 | 62 | 63 | 64 | ... | 65