1, 2, 3, 1, 2, 3... e acción!

Laboratorio de actuación facilitado por María Roja no Festival Curtas Armadiña

venres, 09 de novembro de 2018
1, 2, 3, 1, 2, 3... e acción!

Dirixe: María Roja
Público destinatario: público xeral +16 anos
Data: mércores 14 de novembro
Hora: 19:00-21:00 h
Lugar: Centro Cultural Xaime Illa de Raxó
Aforamento: 20 alumnxs

Contido: Este obradoiro propón unha reflexión práctica sobre os procesos de creación no eido da actuación ante e para a pantalla. Tomando como punto de partida os modos de operar da vídeoacción, o vídeo experimental, a videoinstalación, as narrativas sonoras xeolocalizadas e o streaming escénico, entrenaremos ferramentas de creación e interpretación que permitan o diálogo dos nosos corpos con dispositivos de gravación domésticos (teléfonos móbiles, tabletas, ordenadores) a través de aplicacións tecnolóxicas de comunicación e emisión ao noso alcance, para realizar pequenas escenas videográficas.

Necesidades: levar roupa e calzado cómodos e dispositivos propios como teléfonos móbiles e/ou tabletas.

Proceso de inscrición: enviade un corre-e a curtas.armadinha@gmail.com indicando título do obradoiro, nome, apelidos, data de nacemento e teléfono de contacto. As inscricións terán lugar por orde de chegada.

+info:
https://www.facebook.com/events/500028657142191/
http://curtas.armadinha.gal/

9 FUGAS en proceso

Cineuropa 2018

xoves, 08 de novembro de 2018
9 FUGAS en proceso

9 FUGAS, o filme dirixido por Fon Cortizo, comeza a súa viaxe coa proxección da primeira de ditas fugas no festival Cineuropa de Santiago de Compostela. Un petisco dun traballo aínda en proceso que poderá verse este domingo día 11 ás 18:15h no Museo das Peregrinacións.

En 9 FUGAS, unha orquestra investiga os sons do pasado que evocan a historia de tres mulleres obrigadas a fuxir. A orquestra improvisa. A súa música ten o poder de evocar historias, de impulsar a fantasía. Cada un dos músicos conta unha das historia a través do seu instrumento. Nove fugas. Nove historias que procuran unha saída.

9 FUGAS
Galicia / 2018 / Longametraxe / Ficción / Galego
Dirección: Fon Cortizo
Elenco: María Roja, Olga Cameselle, Ailén Kéndelman, Areta Bolado, Noelia Castro, Marta Pérez, Paco Barreiro.
Guión: Fon Cortizo.
Fotografía: Javier Álvarez.
Dirección musical: Orquestra Fugaz de Improvisación Industrial, Xavier Núñez Bértolo e David Santos.
Produción: Fon Cortizo e Alexandre Cancelo.

+info:
https://www.compostelacultura.gal/espectaculos/evento/9-fugas-work-progress-e-el-equipo-de-mi-barrio

Primeiras imaxes de "9 fugas"

Fon Cortizo fala do seu filme no ZigZag

sábado, 27 de outubro de 2018
Primeiras imaxes de "9 fugas"

Acceder á reportaxe:
http://www.crtvg.es/informativos/falamos-de-cine-con-ngel-suanzes-3942309?fbclid=IwAR2SQRuGJCXRumoGR9-EjQbWq-PxIJzp-asZ-9XkxZR9pOiP7HJQtUos_PY

Curtas Armadiña

María Roja, no xurado da cuarta edición do festival

mércores, 17 de outubro de 2018
Curtas Armadiña

O festival Curtas Armadiña, organizado pola ACDeM Armadiña, presenta os integrantes
do xurado deste ano, que se encargarán de escoller a mellor curtametraxe da Sección Oficial e da Sección de Animación da cuarta edición do certame, que se celebrará do 12 ao 18 de novembro en Poio. As pezas gañadoras daranse a coñecer na gala final que terá lugar na tardiña do 18 de novembro. O xurado está composto por Pablo Cacheda, Juan de Castro, Laura Doval, María Roja e Pilar Varela, esta última en representación da asociación organizadora.
A edición deste ano, aberta a España e Portugal e que terá por obxectivo a integración das persoas con discapacidades intelectuais, pechou o seu prazo de envíos o pasado mes de xullo e a ela presentáronse arredor de 900 pezas audiovisuais. Alén da Sección Oficial e da Sección de Animación, o certame Curtas Armadiña tamén abrangue unha Sección Medioambiental e unha Sección Videoclips, que contarán con xurados específicos. Ao igual que o ano pasado, entregarase o premio Áncora de Honra, un galardón simbólico que se lle concederá a unha persoa do ámbito audiovisual cuxa traxectoria debe ser honrada, visibilizada e valorizada.

+info:
http://curtas.armadinha.gal/
https://twitter.com/curtasarmadinha

Estrea de Sendeiro

CURTOCIRCUÍTO

xoves, 27 de setembro de 2018
Estrea de Sendeiro

Sendeiro, a curtametraxe dirixida por Lucía Estévez e cun elenco formado por Cristina Andrade, María Roja, Xoel Roupar e Simón da Torre, estrearase o vindeiro día 4 de outubro ás 19h no CGAC, dentro da programación do 15º Festival Internacional de Cine de Santiago de Compostela CURTOCIRCUÍTO.

+info:
http://curtocircuito.org/es/peliculas/supernova
https://www.facebook.com/sendeiroshortfilm

O Sabor das Margaridas

Estrea da nova serie de ficción da TVG

martes, 25 de setembro de 2018
O Sabor das Margaridas

O vindeiro 3 de outubro, a TVG estreará a súa nova serie de ficción, O sabor das margaridas. Esta, un thriller ambientado no rural e cun asasinato como punto de partida, está protagonizada por María Mera e Miquel Insua, acompañadxs de Manuel Cortés, Yelena Molina, Nerea Barros, Ricardo de Barreiro, Santi Cuquejo, Fran Paredes, Toni Salgado e María Roja, entre outrxs.

www.facebook.com/OSaborDasMargaridas

1 | ... | 3 | 4 | 5 | 6 | 7 | 8 | 9 | 10 | 11 | ... | 63