Entrega en man - teatro
de Martin McDonagh. Dir. Cándido Pazó. Contraproducións e Focus
Titulada Superior en Arte Dramática, Licenciada en Belas Artes e Máster en Artes Escénicas, gusta de petiscar as artes plástico-visuais, a performance, a creación escénica e a danza.
Exhibiu o seu traballo en diferentes exposicións e festivais organizados en galerías, museos, teatros e espazos alternativos nacionais e internacionais. Foi co-fundadora dos colectivos de arte de acción áIntemperie, Ohn e Blanco&Roja e forma parte do Corpo Colectivo Transfronteirizo Límites.
Rostro habitual das táboas e a ficción televisiva galegas, no campo da interpretación é salientable o seu labor en compañías de artes escénicas de linguaxe posdramática así como a súa participación en producións audiovisuais de feitura experimental. Foi galardoada con dous premios María Casares á Mellor Actriz Secundaria.
Actualmente compaxina o labor investigador no programa de doutoramento en Creación e Investigación en Arte Contemporánea da Uvigo co traballo creativo nos eidos das artes visuais e escénicas.